阿愷之聲Podcast

阿愷之聲Podcast

阿愷之聲相當有限公司

歡迎收聽阿愷之聲Podcast,這不只是一个講臺語的Podcast,阿愷之聲準備用鹿港腔來講萬事萬物,歡迎收聽臺語界的ICRT。

本節目現子時有六个單元,歡迎收聽指教,恁若聽了會合,歡迎贊助阿愷之聲繼續放送落去:voiceofakai.oen.tw

一、空中泡茶間
阿愷之聲Podcast上受歡迎的單元,這个單元阿愷主要邀請社會各界的好朋友,來講生活講事業講理想講人生,用台語講萬事萬物,萬事萬物攏是咱人生!

二、講鹿港說鹿港,鹿港說不盡
鹿港人致意鹿港事,這个單元專門講鹿港的過去和未來,透過講解最近的新聞事件,抑是邀請各界朋友用各種觀點來討論這个所在,若是想欲瞭解鹿港會使對這个單元開始。

三、文學烏亂濺
阿愷之聲Podcast的經典單元,阮欲來講國內最近新出版的好冊,閣有國外的經典作品,無論是文學、社會科學抑是歷史文化,這个單元除了讀冊會分享,有時陣閣會邀請作者本人來講寫作。

四、洛津浪音樂
台長以前的夢想就是做音樂電台的主持人,無論是古典音樂、JAZZ、抑是當代臺灣的音樂創作,這个單元會使聽著音樂背後的故事。

五、學姊你敢有閒?
全新單元,副主持人是咱懷念的鹿港學姊,阮每个月會討論一个生活題目,努力變作「台語相談室」第一品牌,若有任何想欲開講的主題,歡迎call in

六、台長時間
台長三不五時會出來坐檯,無論是回答聽眾call in抑是分享節目製作的想法,台長時間是一个和聽眾朋友互動的單元。

最後,歡迎來去以下所在收看阿愷之聲Podcast,恁會使追蹤來接收上新的節目消息:

• facebook:https://www.facebook.com/VoiceofAKai/
• instagram:https://www.instagram.com/voiceofakai/
• twitter:https://twitter.com/voiceofAKai

Powered by Firstory Hosting

所有集數

EP132 學姊你敢有閒:無聊當著時?生活佇彰化若無聊欲按怎 ft.鹿港學姊

EP132 學姊你敢有閒:無聊當著時?生活佇彰化若無聊欲按怎 ft.鹿港學姊

🄴 阿愷之聲Podcast

聽眾朋友逐家好,這集阿愷之聲Podcast「學姊你敢有閒」單元欲來講「無聊」這回事,到底生活佇彰化無聊欲按怎?敢講彰化若有百貨公司就袂無聊? 這个時代的人親像攏足驚「無聊」,無聊就代表生活過了傷爽(太爽),無聊就愛趕緊揣代誌來做,無聊不如來去娛樂娛樂......但是,無聊敢有可能是「自我對話」的時間?無聊敢有可能會使發明方法來解除?無聊其實誠有力量、充滿可能性? 本集節目欲延續阿愷之聲主張的 #無聊理論,共同主持人是逐家懷念的鹿港學姊,恁欲相信,其實無聊當著時(無聊正時髦)? ►節目好看頭 • 細漢佇鹿港生活若無聊欲按怎? • 古早時歐洲偉大的音樂家和畫家竟然是無聊的人? • 對現代人來講無聊是一款罪過? • 彰化敢講有百貨公司就袂無聊? • 無聊的所在適合來聽爵士樂? ► 背景相片|萊兒費可唱片的爵士音樂會 ► 節目音樂|鹿港新聲閣 ► 歡迎贊助阿愷之聲Podcast:voiceofakai.oen.tw Powered by Firstory Hosting

EP131 台長時間:Podcaster敢會聽Podcast?

EP131 台長時間:Podcaster敢會聽Podcast?

🄴 阿愷之聲Podcast

聽眾朋友逐家好,本集阿愷之聲Podcast「台長時間」單元欲來分享到底一位Podcaster敢會聽Podcast?這問題的答案當然是「會」,到底台長會按怎聽Podcast?最後,來分享最近半年台長愛聽的節目! ►Podcast推薦 〔臺語同業〕 亞特聊聊天、曼城里長辦公室、台灣人台灣事 〔新聞議題〕 不好意思請問一下、報導者The Real Story 〔藝術文化〕 誰來報樹、妮說book我說可、情熱韓半島 ► 節目相片|台長佇時鐘工廠 ► 節目音樂|鹿港新聲閣 ► 歡迎贊助阿愷之聲Podcast:voiceofakai.oen.tw Powered by Firstory Hosting

EP130 空中泡茶間:誰的彰化誰的歌?將賴和文學唱成歌的鬥鬧熱走唱隊 ft.吳易叡&呂長運

EP130 空中泡茶間:誰的彰化誰的歌?將賴和文學唱成歌的鬥鬧熱走唱隊 ft.吳易叡&呂長運

🄴 阿愷之聲Podcast

歡迎收聽阿愷之聲Podcast「空中泡茶間」單元,這遍來空中泡茶的人客是鬥鬧熱走唱隊的吳易叡和呂長運,易叡目前是成大不分系的教授,長運是資深的外科醫生,兩位來賓攏佇彰化市大漢,後來受著日本時代彰化文學家賴和的影響,毋但攏做醫生,閣成立樂團,將賴和的詩寫成歌,四界走唱。 2005年鬥鬧熱走唱隊發表頭一張專輯《河-賴和音樂專輯》,受著朱約信《鵝媽媽出嫁》專輯將楊逵文學寫成歌的影響,當時佇臺灣文化界受著誠大的迴響。但是後來團員各自士農工商,時間一過就是十九年,2024年鬥鬧熱走唱隊總算再次組合,這遍準備欲來推出第二張專輯《自由花-賴和音樂專輯II》,準備繼續唱出咱臺灣的歌! 故事就對易叡和長運佇彰化的成長記持(記憶)開始,聽眾朋友,這集節目有滿滿的肉圓和炕肉飯(?? ►節目好看頭 • 彰化人讀台中一中和彰化高中敢有程度的差別? • 當時開始感覺家己是「彰化人」? • 啥機緣有鬥鬧熱走唱隊? • 散團十九年後重新組團的感想? • 這个時代講/唱賴和文學的意義? ► 鬥鬧熱走唱隊《自由花-賴和音樂專輯II》募資專案 https://www.flyingv.cc/projects/35254 ► 特別感謝|書集喜室、Richie Chan ► 節目音樂|鬥鬧熱走唱隊新歌《歸家》 ► 歡迎贊助阿愷之聲Podcast: voiceofakai.oen.tw Powered by Firstory Hosting

EP129 空中泡茶間:寫劇本的人咧想啥?戲如人生,阮劇團的臺語劇試驗 ft.編劇吳明倫

EP129 空中泡茶間:寫劇本的人咧想啥?戲如人生,阮劇團的臺語劇試驗 ft.編劇吳明倫

🄴 阿愷之聲Podcast

歡迎收聽阿愷之聲Podcast「空中泡茶間」單元,這遍來空中泡茶的人客是阮劇團的編劇吳明倫,伊帶一疊金紙(?)準備來空中燒,毋是,這是木馬文化今年出版的《阮劇團台語劇本集》! 欲燒金紙進前,毋對,欲講劇本進前,阿愷真好奇明倫到底按怎同時發落小說和劇本?這位捌提著林榮三文學獎短篇小說頭獎的人,佇2022年出版短篇小說集《湊陣》,但伊真正的本事是寫劇本,2016年正式變成阮劇團的編劇。這遍出版的台語劇本集,包括經典劇本的在地化改編,親像改編自莎士比亞《仲夏夜之夢》的《熱天酣眠》、改編莫里哀喜劇《吝嗇鬼》的《愛錢A恰恰》,閣有原創作品《十殿》,這齣戲改編了台灣五大奇案、也是阮劇團頭一遍佇國家戲劇院的演出作品。 咱講戲如人生,到底寫劇本的人頭殼內咧想啥?緊來收聽這集節目,來聽吳明倫按怎寫故事! ►節目好看頭 • 若是人生重來,會選小說家抑是編劇? • 小說家和編劇的人格分析? • 世界經典劇本在地化改編上頭疼的是啥? • 編劇是毋是劇本完成了後就無伊的代誌囉? • 編劇和聽眾是毋是永遠無緣? ► 來看冊|阮劇團台語劇本集 https://www.books.com.tw/products/0010985964 ► 節目音樂|鹿港新聲閣 ► 歡迎贊助阿愷之聲Podcast:voiceofakai.oen.tw Powered by Firstory Hosting

EP128 文學烏亂濺:提早的鄉愁?二十四點鐘的韓國近代史,來講金英夏的《光之帝國》ft.溪州阿倫

EP128 文學烏亂濺:提早的鄉愁?二十四點鐘的韓國近代史,來講金英夏的《光之帝國》ft.溪州阿倫

🄴 阿愷之聲Podcast

歡迎收聽阿愷之聲Podcast「文學烏亂濺」單元,這集的特別來賓是逐家懷念的溪州阿倫,阮欲來講韓國作家金英夏的小說《光之帝國》! 1968年出世佇南北韓交界的金英夏,大學時代經歷韓國民主化運動,對社會有誠深的關懷。1990年代開始寫小說,非常幼路的寫出發達資本主義當中人的處境,這本2006年發表的小說《光之帝國》,竟然有法度用二十四點鐘來講一段韓國的近代史?! 用文學作品深度理解一个國家,當中竟然會使看著你我共同的處境,這本小說有夠精彩,緊來收聽本集節目! ►節目好看頭 • 韓語名竟然接近臺語的發音? • 戰後韓國的政治社會和臺灣有夠像? • 金英夏的小說為啥是韓國的新時代文學? • 有光就有影,對國家到家庭的《光之帝國》? • 敢有絕對的人生? ► 來看冊|《光之帝國》金英夏/盧鴻金譯,漫遊者文化出版 https://www.books.com.tw/products/0010814748 ► 參考文章|崔末順/韓國「新世代文學先行者」金英夏及其小說 https://okapi.books.com.tw/article/11132 ► 推薦節目|Podcast情熱韓半島 ► 節目音樂|鹿港新聲閣 ► 歡迎贊助阿愷之聲Podcast:voiceofakai.oen.tw Powered by Firstory Hosting