本集介紹

汝咁掰過青土豆？ 

會記得細漢兮時陣，逐年初一透早，歸家夥儂綴著阿爸佮阿母作夥返去庄腳舊茨過年。 

佇五間兮眠床頂，攏會囥一大籃帶殼兮土豆，阮時常坐偎踮阿媽兮身軀邊，縮腳躡手，著想卜佮儂作夥掰土豆。 

聽大人怹講，掰好兮土豆，佇初五隔開就卜種落去土底，亦就是講，彼當陣掰兮是土豆種籽。 

囝仔掰土豆，即不管種籽毋種籽。攏嘛掰五粒食十粒。 

抑未煮過兮青土豆，另外有一種無仝款兮清甜，按怎食都無夠氣。不二過，若食過頭濟，隔轉工就煩惱啊，這筆數攏會留乎尻倉去坐。 

雖然是按迡，阮逐年嘛仝款搶卜佮阿媽相偎坐，這嘛算是一款收成咁毋是？ 

-----------------------
　　吉祥農場讚助
-----------------------

Powered by Firstory Hosting