本集介紹

本集含有音樂歌單

🎵本集含有音樂歌單🎵
［推薦使用KKBOX收聽，搭配音樂嵌入］

全世界頭一本上有影響力的全台文刊物三十歲生日快樂 《台文通訊 — 30冬紀念特刊》
「這擺換咱來支持,延續台語文ê新性命」: https://www.zeczec.com/projects/taibunthongsin30tang

講台語， 佇戒嚴彼個時代是逐家連想著毋敢想的代誌，毋閣現此時的台灣，佇無數民主先輩幾落十冬的奮鬥之下，如今已經有真濟少年家主動學習，想欲將家己的母語抾倒轉來，甚至出現台語當時行的講法。 

加上流行音樂佮網路， 電影遮的媒體，嘛時常運用母語 將其當作是象徵土地以及文化精神的所在，尤其這幾年， 報名台語能力檢定考試的人嘛越來越濟，干焦看著台文會當有系統的推動，佮 十年前相比真正天縒地。 

所以咱應該用呵咾佮 鼓勵來代替互相傷害，我感覺台灣上無欠的，是互相 Kàn-kiāu 來破壞團結。 

食果子拜樹頭 ，往過的先輩一枝草，一點露 為著台灣奮鬥的歷史，咱嘛應該愛來了解， 
2008年我進入寶島新聲頭一年，阮公司大門口總是會囥一本冊，寫著滿滿的台文文章，這本冊叫做《台文通訊》, 台灣主要的發行工作是由李江却台語文教基金會負責，2012年過後，《台文通訊》佮 另外一本嘛真重要的台語文學雜誌《台文BONG報》合刊號做《台文通訊BONG報》， 一直到這馬，《台文通訊BONG報》 嘛是現此時全世界發行時間上久長， 影響力上大的全台文刊物。 

上代先《 台文通訊》是1991年7月份由鄭良光先生佇美國Los Angeles所創辦的，這擺有機會運用網路軟體三方連線，訪問《台文通訊 》 創辦人鄭良光先生 以及《台文通訊 — 30冬紀念特刊》副主編鄭智程先生，欲來開講過去佮 現在， 以及30冬紀念特刊的募資計畫，嘛講著國家語言發展法佮 社會台語能力普遍退化等等的現象，邀請恁同齊來收聽 《大倫有大量 》。

Powered by Firstory Hosting