Description

【 Phone in開放 】Ep.290｜動物領養義工 等我嚟贈你一句說話｜直播｜半夜微醺 Drunkirk

影片連結：https://youtube.com/live/Ni-2MvoZePc

#動物領養義工 #領養 #領養代替購買

知名已故香港民主黨政客司徒華曾經話過：「賣咗你幾多錢？你係豬係狗，畀人賣？」當時很多人對此言論極度不滿，畢竟當時素食未必流行，但普遍都認同我們應該以領養代替購買，不過民主無得領養，亦唔係你話有得賣就賣，有啲嘢，你要有先有得賣。

領養動物在道德綁架下成了主流養寵物的渠道，可是領養過程仲難過打黑悟空，被領養義工拒絕，仲密過畀女神派好人咭。如果你係自由主義巿場經濟信徒，你仲以為呢個宇宙連同無限個平行宇宙加加埋埋，都係得幾隻貓同幾隻狗等人領養。你想棄Game唔玩呢個魂系遊戲，又會有人話你無愛心唔領養動物；你去寵物店買，又畀人話你助長打種同唔鍾意唐狗。一怒之下，你可能會向天下間所有待被領養動物怒吼一句「禮七雞困啦！（你出街瞓啦）」呢一刻，大家都明新何太的心痛，但我哋唔知何伯何太係邊個領養咗邊個。

怕間屋太細無空間、怕你有拖拍唔陪佢、怕你工作忙唔照顧、怕你太有錢太多興趣、怕你太窮養唔起，這都不是領養的問題，是一小撮極少數鳳毛麟角少之有少的人的執著。作為想領養小動物的你，除了是從太多的愛心洋溢出來的結果，亦可能是怕雙眼合上看到了寂寞，張眼望見所失很清楚，因而想要填滿落空的過往。遇上那位領養義工，備受無盡批評奚落，如果你未有奶奶，那位義工很可能是你人生見過最可怖的女人，你不禁對事對人，甚至你想拿著一世平安行賄好人，但你又不敢扮演壞人。這時候你很想相信欺善怕惡才可像個人，直言威脅去寵物店直接入手一隻可愛英短，不過面對靈魂拷問，你又去返做好人，但你不再敢言，哪怕有動物義工稱你們一個二個不再領養，哪隻原本在社區生活的狗勾就直接被啪，你都覺得對方都係想做件好事，由佢。這刻你靠自己判斷我好壞，怕有失公允，心有很多個如果，驟變幾多個沒終於的答案，並藏於暗裡渡過。你肯怒斥寶蓮寺膠袋笠狗頭的二人，但有些人和事，你又怕太易對不住某處境的某人。不如咁，沒有風起不了帆，醜人由半夜微醺去做，你們Phone in吧，讓我們一同探討我們如何與動物、寵物、社區動物共生吧。

傾密計去Discord～：https://discord.gg/N24SpkP8m4
_
加入天文學會，你唔會後悔。⬇️
Youtube會員：https://bit.ly/3u85q1L
Podcast會員：https://apple.co/3AVfRqD

一週工作尾聲，讓我們微醺一點。
眾人皆醉我更醉，微醺中更清楚面對自己、看見世界。
逢星期三、五晚上，使我們在死前多一點品味。
節目類型：一個坦誠尖酸的社會觀察、文化研究過程

主持：陳四、VVN

支援小平台，敬希打賞，少少無拘：https://shorturl.at/cfyHZ
半夜微醺Drunkirk Youtube： https://bit.ly/3zzZ6PE

➤歡迎分享影片連結
➤➤本頻道合作提案請洽：team@drunkirk.com 會有專人回覆你！
_

Youtube視像版及各大Podcast ：
Apple Podcast • Google Podcast • KKBOX • Firstory • Spotify
Linktree：https://linktr.ee/drunkirk

#podcast #半夜微醺Drunkirk #Drunkirk #半夜微醺 #廣東話Podcast

Powered by Firstory Hosting