Description

簡單紹介A郎故事內底有講--tio̍h ê語詞，ǹg望各位聽眾朋友聽了ē kah意，nā感覺bē-bái，mā真歡迎kā goán tàu紹介hō͘親chiâⁿ朋友ō͘。

[網站 Bāng-chām]
https://cho-kang-a-lang.github.io/

[Podcast]

SoundOn
https://bit.ly/ChKaL_SO

Spotify
https://spoti.fi/48jD2tI

KKBOX Podcast
https://bit.ly/ChKaL_KK

Apple Podcast
https://apple.co/3HZyfD3

Google Podcasts
https://ppt.cc/fpPKUx

YouTube Podcast
https://bit.ly/ChKaL_YT


[社交平台 Siā-kau Pêⁿ-tâi]

YouTube
https://bit.ly/ChKaL_YT

Facebook
https://bit.ly/ChKaL_FB

Instagram
https://www.instagram.com/chokangalang/

X (Twitter)
https://twitter.com/chokangalang

方格子
https://vocus.cc/salon/cho-kang-a-lang

以下內容是漢羅kah白話字原稿，有需要歡迎ta̍k-ke來參考。

【漢羅版】
咱今á日來講gâu，gâu有真厲害，真khiàng ê意思。親像人tāi-chì做了bē-bái，真成功，咱to̍h ē去kā伊o-ló講：「有夠gâu！」我國校á hit chūn，leh kah朋友sńg ê時，ûn-ná tiāⁿ-tiāⁿ ē講tio̍h chit句：「真gâu！眞gâu！出國比賽！」M̄-chai ta̍k-ke kám bat聽--過？想--起-來有影kài心適。Nā是有人bē博假博，咱mā ē-tàng叫伊「mài假gâu」。

Koh 1種狀況是leh講，人對某mih tāi-chì真內行，真有研究，咱mā ē-tàng用gâu來講，親像，「gâu唱歌」、「gâu讀冊」「gâu趁錢」án-ne。M̄-koh有時mā ē用tī khah負面ê所在，像講「gâu sái-lāng」、「gâu彎話」、「gâu食錢」。

Siōng尾1款情形，to̍h是比較tek ê khah ē發生ê tāi-chì。直接用例來解說to̍h khah好理解：「Gín-á人to̍h ài食ho͘飽，睏ho͘好，chiah ē gâu大！」「寒流nā來，ài穿ho͘燒，無to̍h ē真gâu感--tio̍h。」「我真無頭神，mi̍h-kiāⁿ kài gâu phàng-kiàn 。」

【Pe̍h-ōe-jī pán】
Lán kin-á-ji̍t lâi kóng gâu, gâu ū chin lī-hāi, chin khiàng ê ì-sù. Chhin-chhiūⁿ lâng tāi-chì chò liáu bē-bái, chin sêng-kong, lán to̍h ē khì kā i o-ló kóng: “Ū-kàu gâu!” Góa kok-hāu-á hit chūn, leh kah pêng-iú sńg ê sî, ûn-ná tiāⁿ-tiāⁿ ē kóng tio̍h chit kù: “Chin gâu! Chin gâu! Chhut-kok pí-sài!” M̄-chai ta̍k-ke kám bat thiaⁿ--kòe? Siūⁿ--khí-lâi ū-iáⁿ kài sim-sek. Nā sī ū lâng bē phok ké phok, lán mā ē-tàng kiò i “mài ké-gâu”.

Koh 1 chióng chōng-hóng sī leh kóng, lâng tùi bó͘-mih tāi-chì chin lāi-hâng, chin ū gián-kiù, lán mā ē-tàng iōng gâu lâi kóng, chhin-chhiūⁿ, “gâu chhiùⁿ-koa”, “gâu tha̍k-chheh”, “gâu thàn-chîⁿ” án-ne. M̄-koh ū-sî mā ē iōng tī khah hū-bīn ê só͘-chāi, chhiūⁿ kóng “gâu sái-lāng”, “gâu oan ōe”, “gâu chia̍h chîⁿ”.

Siōng bóe 1 khoán chêng-hêng, to̍h sī pí-kàu tek ê khah ē hoat-seng ê tāi-chì. Ti̍t-chiap iōng lē lâi kái-soeh to̍h khah hó lí-kái: “Gín-á lâng to̍h ài chia̍h ho͘ pá, khùn ho͘ hó, chiah ē gâu tōa!” “ Hân-liû nā lâi, ài chhēng ho͘ sio, bô to̍h ē chin gâu kám--tio̍h.” “Góa chin bô-thâu-sîn, mi̍h-kiāⁿ kài gâu phàng-kiàn.”

--
Hosting provided by SoundOn