概要

看過多桑這齣電影的朋友攏知影吳念真的老爸是咱嘉義民雄人，伊少年的時捌佇嘉義一間中藥行學師仔，後來走去台北九份仔挖金礦，才和吳念真導演的老母結婚，後來才有咱台灣這位上敖講故事的歐吉桑出世。

吳念真的老爸之所以走去台北挖金仔，其實和228事件有真大的關係。咱今仔日特別節目邀請的特別來賓，毋但真拄仔好佮吳念真的老爸仝款是民雄人，而且伊的音樂佮文學創作內面嘛有228的元素，伊寫的小說不但提著2023年台灣文學獎的金典獎佮蓓蕾獎，而且佮小說仝名的音樂專輯嘛入圍2022年第33屆的金曲獎自最佳新人獎，這个紀錄應該真罕見，其實伊真少年，這陣猶佇台灣師範大學讀台文研究所。

播放歌曲：【裝咖人樂團】夜官巡場 專輯之「拜塗虱」、「自頭講起」、「林秀媚」。
--
Hosting provided by SoundOn