概要

「編輯是一種一生攏咧和錯誤作伴的工作。」－莊瑞琳

今年6月6號，阿愷之聲特別計畫「臺灣文學Live Podcast」來到高雄五塊厝的等閑書房，真歡喜邀請了來自高雄的莊瑞琳aka春山出版社總編小瑞，這場的主題是「面對世界的臺灣出版和書寫」，到底出版按怎將臺灣展示全世界？

頂半場先來討論家鄉按怎影響一个人？出世佇內惟的小瑞，高中要盤過愛河來到市區讀冊，當時伊感覺家己來自「高雄的庄跤」。對一位愛讀小說、對文學看見世界的高中生來講，去臺北應當是人生唯一的道路，但當時的社會氣氛按怎影響小瑞行對記者這條路？甚至自願轉來高雄走社會新聞？又閣是啥機緣，小瑞會轉到出版業做編輯？

2026年5月19號暗時十點五分，小瑞和楊双子、金翎做伙佇英國布克獎頒獎典禮現場等待結果。對一位編輯來講，伊按怎看双子一路以來的寫作？來到世界大獎的舞臺，小瑞又閣會按怎觀察布克獎的各種現象？

這集對談非常精彩，咱作伙轉去彼日的港都高雄，來感受現場滿滿的熱情！

► 活動報名｜臺灣文學LivePodcast社區讀冊會 （準備額滿！）
https://forms.gle/sVud7nwhb4zqw56T6

► 廣告贊助｜春山出版新冊《沒有用的人》by房慧真
https://www.books.com.tw/products/0011054758

「啥物是無路用？無路用的人，敢講人生就註定爛糊糊、無出脫？」

阿愷之聲工商服務時間，現子時春山出版推出好冊《無路用的人》。這本冊是作家房慧真廢業八年了後寫成，伊想欲挑戰主流社會看待「有路用」的價值，用家己的寫作日常，和古早的大作家來對照，親像卡夫卡、班雅明、石川啄木、林芙美子等等，詳細看亻因的人生，其實嘛無影較厲害，有的浮浪貢，有的是歪膏揤斜。這本《無路用的人》欲來討論一个時代的生活屈勢，無的確，這个社會認定的無路用，其實是面對亂世的一款生活韌性，一種寫作的節奏和哲學。

► 贊助單位｜國藝會
► 特別感謝｜蘇聖欽的錄音工程、陳君宥的影像紀錄，等閑書房的場所
► 節目音樂｜鹿港新聲閣
► 贊助節目｜https://voiceofakai.oen.tw

Powered by Firstory Hosting