本集介紹
小額贊助支持本節目： https://pay.firstory.me/user/mrsu
留言告訴我你對這一集的想法： https://open.firstory.me/user/ck7fri94o326d08736fcfnktu/comments
Ok 故事是這樣的 !
這首歌是在說一個喪夫的女人為了追求愛情 尋求自我突破
這種積極的行為 充分表達出後現代主義 對生命的渴望 像這樣的女性
我個人是最為欣賞 值得 寫歌來紀念一下 大嘴小嘴 fantastic !!
我。 去 送貨。
góa khì sàng-hòe
客戶个太太 煞對我來戲弄
kheh-hō͘ ê thài-thài soah tùi góa lâi hì-lāng
白花圈个香味 猶未散
pe̍h-hoe-kho͘ ê phang-bī iáu-bōe sòaⁿ
妳雄雄對我講起 妳个過去
lí hiông-hiông tùi góa kóng-khì lí ê kòe-khì
妳講你 妳个人生 充滿个無奈 佮悲哀
lí kóng lí lí ê jîn-seng chhiong-boán ê bô-nāi kah pi-ai
希望我來 共妳案內
hi-bāng góa lâi kā lí àn-nāi
我共妳案內
góa kā lí àn-nāi
妳問我 妳是應該 也是不應該
lí mn̄g góa lí sī eng-kai iā sī put eng-kai
太太 我了解你个悲哀
thài-thài góa liáu-kái lí ê pi-ai
妳个跤 那會佇我个港邊
lí ê kha ná ē tī góa ê káng-piⁿ
趖來趖去 趖來趖去 趖去佗位 嗯嗯嗯
sô lâi sô khì sô lâi sô khì sô khì tó-ūi m~
我个朋友 他个遭遇 佮你仝款
góa ê pêng-iú i ê cho-gū kah lí kāng-khoán
我勸你 應當著好好把握現在
góa khǹg lí eng-tong to̍h hó-hó pá-ak hiān-chāi
阮个公司 賣的是到家服務
goán ê kong-si bē--ê sī kàu-chhù ho̍k-bū
妳是阮 高級的 衣食爸 母
lí sī goán ko-kip--ê i-si̍t-pē-bú
是講 太太 啊 敢會當 妳个跤
sī-kóng thài-thài ah kám ē-tàng lí ê kha
莫一直踮我港邊跳動
mài it-ti̍t tàm góa káng-piⁿ thiàu-tōng
一直踮我个耳孔鬼仔歕風
it-ti̍t tàm góa ê hīⁿ-khang-kúi-á pûn-hong
叫我著共妳照顧
kiò góa to̍h kā lí chiàu-kò͘
妳个跤 妳个跤 看妳个跤佇遐
lí ê kha lí ê kha khòaⁿlí ê kha tīhia
咧趖來趖去 趖來趖去 趖去佗位 按呢敢好
teh sô lâi sô khì sô lâi sô khì sô khì tó-ūi án-ne kám hó
有話你著慢慢仔講嘛
ū ōe lí to̍h bān-bān-á kóng mah
莫按呢跤來手來
mài án-ne kha-lâi-chhiú-lâi
我這馬咧上班呢。妳个跤啦
góa chit-má leh siōng-pan nē. lí ê kha lah
我袂堪得人共我唌啦
góa bē-kham-tit lâng kā góa siâⁿ lah
我是來食頭路 是主管安排我來送貨
góa sī lâi chia̍h thâu-lō͘ sī chú-koán an-pâi góa lâi sàng-hòe
太太 安餒甘好
thài-thài án-ne kám hó
我這馬咧上班呢
góa chit-má leh siōng-pan neh
閣來啊呼
koh lâi ah ho͘ⁿh
妳逐斗攏穿睡衫咧叫我共妳開罐頭
lí ta̍k-táu lóng chhēng khùn-saⁿ teh kiò góa kā lí khui koàn-thâu
按呢是提柴魚予貓仔做枕頭呢
án-ne sī the̍h chhâ-hî hō͘ niau-á chò chím-thâu neh
這一定會出代誌啊！
che it-tēng ē chhut tāi-chì ah
太太啊 我有某呢 有要緊沒唅？
thài-thài ah góa ū bó͘ neh ū iàu-kín bô haⁿh?
唉呦威阿 共妳案內 按呢 按呢算加班喔
ài ioh ôe ah kā lí àn-nāi án-ne án-ne sǹg ka-pan o͘h
Powered by Firstory Hosting